ಓಂ ಶ್ರೀ ಸಂಜೀವಿನಿ ಒಕ್ಕೂಟ – ಸುಬ್ರಮಣ್ಯ ಗ್ರಾಮದಲ್ಲಿ ಮಾಸಿಕ ಸಂತೆ.

ಕುಕ್ಕೆ ಸುಬ್ರಮಣ್ಯ ಗ್ರಾಮದಲ್ಲಿ ಓಂ ಶ್ರೀ ಸಂಜೀವಿನಿ ಒಕ್ಕೂಟ ವತಿಯಿಂದ ಮಾಸಿಕ ಸಂತೆ ಆಯೋಜಿಸಲಾಯಿತು. ಕುಕ್ಕೆ ಸುಬ್ರಮಣ್ಯ ದೇವಸ್ಥಾನದ ರಥಬೀದಿಯ ತುದಿಯಲ್ಲಿ ವಿವಿಧ ಉತ್ಪನ್ನಗಳೊಂದಿಗೆ ಗ್ರಾಮೀಣ ಮಹಿಳೆಯರು ವ್ಯಾಪಾರ ನಡೆಸಿದರು.

ಈ ಸಂತೆಯಲ್ಲಿ ಉಪ್ಪಿನಕಾಯಿ, ಜೇನುತುಪ್ಪ, ವೀಳ್ಯದೆಲೆ, ಬೆಂಡೆಕಾಯಿ, ಫಿನೈಲ್, ಮಸಾಲಾ ಪೌಡರ್ಗಳು, ಸೋಪ್ ವಾಟರ್, ರೊಟ್ಟಿ, ಚಪಾತಿ, ಸಮೋಸಾ, ಅಚ್ಚಪ್ಪ, ದನದ ತುಪ್ಪ ಸೇರಿದಂತೆ ಹಲವಾರು ವಸ್ತುಗಳನ್ನು ಮಾರಾಟಕ್ಕೆ ಇಡಲಾಗಿತ್ತು.

ಮಹಿಳೆಯರ ಕೈಚಾಣದಿಂದ ತಯಾರಾದ ಈ ವಸ್ತುಗಳಿಗೆ ಸಾರ್ವಜನಿಕರಿಂದ ಉತ್ತಮ ಪ್ರತಿಕ್ರಿಯೆ ದೊರಕಿತು.

ಕಾರ್ಯಕ್ರಮದಲ್ಲಿ ಭಾಗವಹಿಸಿದವರಲ್ಲಿ:

ಓಂ ಶ್ರೀ ಸಂಜೀವಿನಿ ಒಕ್ಕೂಟ ಸುಬ್ರಮಣ್ಯ ಗ್ರಾಮ ಅಧ್ಯಕ್ಷರು: ಶೋಭಾ ನಲ್ಲೂರಾಯ

ಮಾಜಿ ಅಧ್ಯಕ್ಷರು: ಗುಣವತಿ

ಲೈನ್ಸ್ ಕ್ಲಬ್ ಅಧ್ಯಕ್ಷರು: ವಿಮಲಾ ರಂಗಯ್ಯ

ತಾಲೂಕು ಸಂಪನ್ಮೂಲ ವ್ಯಕ್ತಿ ಹಾಗೂ ಉದ್ಯಮಶೀಲತೆಗೆ ಉತ್ತೇಜನ ನೀಡಿದವರು: ರಮ್ಯಾ

ಗ್ರಾಮ ಮುಖ್ಯ ಪುಸ್ತಕ ಬರಹಗಾರರು: ಹೇಮಾವತಿ

ಸಂಜೀವಿನಿ ಒಕ್ಕೂಟ ತಾಲೂಕು ಮಾಜಿ ಅಧ್ಯಕ್ಷರು: ಸುಜಾತ ಗಣೇಶ್

ಹಾಗೂ ಸಕ್ರಿಯ ಭಾಗವಹಿಸಿದವರು: ಸುಲೋಚನ ಪೆರಾಬೆ, ಬಳ್ಪಂಚಾಯಿತಿಯಿಂದ ಲಲಿತಾ, ಕೊಟ್ರುಪಾಡಿ ಪಂಚಾಯತ್‌ನ ಸ್ವಾತಿ, ಸುಬ್ರಮಣ್ಯ ಪಂಚಾಯತ್‌ನ ಶೀಲಾ, ವೀಣಾ, ಲೀಲಾವತಿ ಹಾಗೂ ಆಲಂಗಾರ್ ಪಂಚಾಯತ್‌ನ ಪುಷ್ಪ.

ಈ ಮಾಸಿಕ ಸಂತೆಯ ಮೂಲಕ ಸ್ವಯಂಸಹಾಯಕ ಸಂಘದ ಮಹಿಳೆಯರು ತಮ್ಮ ಉದ್ಯಮಶೀಲತೆಯನ್ನು ಪ್ರದರ್ಶಿಸಿ, ಸ್ವಾವಲಂಬನೆಯತ್ತ ಹೆಜ್ಜೆಯಿಟ್ಟಿದ್ದಾರೆ.