ವಿಆರ್ಎಲ್ ಲಾಜಿಸ್ಟಿಕ್ಸ್ ಲಿಮಿಟೆಡ್‌ಗೆ ರಾಷ್ಟ್ರಮಟ್ಟದ ಗೌರವ – ‘ಲಾಜಿಸ್ಟಿಕ್ಸ್ ಚಾಂಪಿಯನ್’ ಪ್ರಶಸ್ತಿಗೆ ಭಾಜನ.

ಮುಂಬೈ: ಭಾರತದ ಲಾಜಿಸ್ಟಿಕ್ಸ್ ಕ್ಷೇತ್ರದಲ್ಲಿ ತನ್ನದೇ ಆದ ಛಾಪು ಮೂಡಿಸಿರುವ ವಿಆರ್ಎಲ್ ಲಾಜಿಸ್ಟಿಕ್ಸ್ ಲಿಮಿಟೆಡ್‌ಗೆ 2025ರ ‘ಲಾಜಿಸ್ಟಿಕ್ಸ್ ಚಾಂಪಿಯನ್ – ಬೃಹತ್ ಕಂಪನಿಗಳ ವಿಭಾಗ’ ಪ್ರಶಸ್ತಿ ಲಭಿಸಿದೆ. ಮುಂಬೈನ ಸಹಾರಾ ಸ್ಟಾರ್ ಹೋಟೆಲಿನಲ್ಲಿ ಇನ್ಸ್ಟಿಟ್ಯೂಟ್ ಆಫ್ ಸಪ್ಲೈ ಚೈನ್ ಮ್ಯಾನೇಜ್ಮೆಂಟ್ (ಐಎಸ್ಸಿಎಂ) ಆಯೋಜಿಸಿದ್ದ 7ನೇ ಭಾರತ ಲಾಜಿಸ್ಟಿಕ್ಸ್ ರಚನಾತ್ಮಕ ಶೃಂಗ-2025ರ ವೇದಿಕೆಯಲ್ಲಿ ಈ ಪ್ರಶಸ್ತಿ ಪ್ರಕಟವಾಯಿತು.

ಕಂಪನಿಯ ನಿರ್ದೇಶಕ ಶಿವಾ ಸಂಕೇಶ್ವರ ಅವರು ಈ ಗೌರವವನ್ನು ಸ್ವೀಕರಿಸಿದರು. ಐಎಸ್ಸಿಎಂ ಅಧ್ಯಕ್ಷ ಡಾ. ರಾಕೇಶ್ ಸಿಂಗ್ ಅವರು ಪ್ರಶಸ್ತಿ ಪ್ರದಾನ ಮಾಡಿದರು.

ವಿಆರ್ಎಲ್ ಲಾಜಿಸ್ಟಿಕ್ಸ್ ಲಿಮಿಟೆಡ್ ಸಂಸ್ಥೆಯ ಪ್ರಕಟಣೆಯಲ್ಲಿ, ಸಂಸ್ಥಾಪಕ ಅಧ್ಯಕ್ಷ ಡಾ. ವಿಜಯ ಸಂಕೇಶ್ವರ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಡಾ. ಆನಂದ ಸಂಕೇಶ್ವರ ಅವರ ಬುದ್ಧಿವಂತ ನಾಯಕತ್ವ, ಸಿಬ್ಬಂದಿಗಳ ಶ್ರದ್ಧಾಭಕ್ತಿ ಹಾಗೂ ಹೂಡಿಕೆದಾರರ ನಿರಂತರ ಬೆಂಬಲವೇ ಈ ಸಾಧನೆಗೆ ದಿಕ್ಕು ನೀಡಿದವು ಎಂದು ಹರ್ಷ ವ್ಯಕ್ತಪಡಿಸಲಾಗಿದೆ.

ಈ ಗೌರವವು ಸಂಸ್ಥೆಯ ವೃತ್ತಿಪರತೆ, ಪಾರದರ್ಶಕತೆ ಮತ್ತು ಭಾರತಾದ್ಯಂತ ಲಾಜಿಸ್ಟಿಕ್ಸ್ ಸೇವೆಯಲ್ಲಿ ತೋರಿದ ಶ್ರೇಷ್ಠತೆಯ ಪ್ರತೀಕವಾಗಿದೆ.