ಶ್ರೀ ವಿಶ್ವಾವಸು ನಾಮ ಸಂವತ್ಸರದ ಭಾದ್ರಪದ ಶುಕ್ಲ ಚತುರ್ಥಿ (27-08-2025, ಬುಧವಾರ) ರಿಂದ 02-09-2025, ಮಂಗಳವಾರದ ತನಕ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನದ ರಥಬೀದಿಯ ಪಕ್ಕದಲ್ಲಿರುವ ಸಭಾಂಗಣದಲ್ಲಿ ಸಾರ್ವಜನಿಕ ಗಣೇಶೋತ್ಸವ ಭಕ್ತಿ ವೈಭವದೊಂದಿಗೆ ಆರಂಭಗೊಂಡಿದೆ.
ಬುಧವಾರ ಪೂರ್ವಾಹ್ನ 10.00 ಗಂಟೆಗೆ ಶ್ರೀ ಶ್ರೀ ವಿದ್ಯಾಪ್ರಸನ್ನ ತೀರ್ಥ ಶ್ರೀಗಳ ದಿವ್ಯ ಸಾನ್ನಿಧ್ಯದಲ್ಲಿ ಮಹಾಗಣಪತಿ ಪ್ರತಿಷ್ಠಾಪನೆ ನೆರವೇರಿತು. ವೈದಿಕ ಮಂತ್ರಘೋಷದ ನಡುವೆ ನೂರಾರು ಭಕ್ತರು ಭಾಗವಹಿಸಿ ಆಧ್ಯಾತ್ಮಿಕ ವಾತಾವರಣವನ್ನು ಸೃಷ್ಟಿಸಿದರು.
ಈ ಸಂದರ್ಭದಲ್ಲಿ ರಜತ ಪ್ರಭಾವಳಿ ಸಮರ್ಪಣೆ, 108 ತೆಂಗಿನಕಾಯಿ ಗಣಪತಿ ಹೋಮ ಸೇರಿದಂತೆ ವಿವಿಧ ಧಾರ್ಮಿಕ ಕರ್ಮಕಾಂಡಗಳು ನೆರವೇರಿದವು. ಶ್ರದ್ಧಾ–ಭಕ್ತಿ ತುಂಬಿದ ಭಕ್ತರು ಮಹಾಗಣಪತಿಯ ಆಶೀರ್ವಾದವನ್ನು ಪಡೆದುಕೊಂಡರು.
ಉತ್ಸವದ ಅಂಗವಾಗಿ ಪ್ರತಿದಿನವೂ ಧಾರ್ಮಿಕ, ಸಾಂಸ್ಕೃತಿಕ ಹಾಗೂ ಭಜನಾ ಕಾರ್ಯಕ್ರಮಗಳು ನಡೆಯಲಿದ್ದು, ಸಮಿತಿಯ ಪ್ರಮುಖರು, ದೇವಸ್ಥಾನದ ಅಧಿಕಾರಿಗಳು ಹಾಗೂ ಗಣ್ಯರು ಹಾಜರಿದ್ದು ಉತ್ಸವಕ್ಕೆ ಶೋಭೆ ತಂದಿದ್ದಾರೆ.
ಸಮಿತಿಯ ಪ್ರಮುಖರು:
ಅಧ್ಯಕ್ಷರು: ಕೆ. ಯಜೇಶ್ ಆಚಾರ್ಯ
ಉಪಾಧ್ಯಕ್ಷರು: ದಿನೇಶ್ ಸಂಪ್ಯಾಡಿ, ಚಿದಾನಂದ ಕಂದಡ್ಕ, ಅಚ್ಯುತ ಗೌಡ, ಗಿರೀಶ್ ಆಚಾರ್ಯ ಪೈಲಾಜೆ, ಯಶೋಧಕೃಷ್ಣ ನೂಚಿಲ, ಸುಕೇಶ್ ಬೇಕಲ್
ಪ್ರಧಾನ ಕಾರ್ಯದರ್ಶಿ: ರತ್ನಾಕರ ಸುಬ್ರಮಣ್ಯ
ಕಾರ್ಯದರ್ಶಿ: ದೀಪಕ್ ನಂಬಿಯಾರ್
ಸಂಚಾಲಕರು: ಎ. ವೆಂಕಟ್ರಾಜ್, ರಾಜೇಶ್ ಎನ್.ಎಸ್
ನಿಕಟ ಪೂರ್ವಾಧ್ಯಕ್ಷರು: ದಿನೇಶ್ ಮೊಗ್ರ
ಪ್ರಧಾನ ಕೋಶಾಧಿಕಾರಿ: ಶ್ರೀಕೃಷ್ಣ ಶರ್ಮ
ಕೋಶಾಧಿಕಾರಿ: ದೀಪಕ್ ಎಚ್.ಬಿ
ಜತೆ ಕೋಶಾಧಿಕಾರಿಗಳು: ಪ್ರಕಾಶ್ ಆಚಾರ್ಯ, ಶೇಖರ್ ಕುಕ್ಕೆ, ಶ್ರೀಕುಮಾರ್ ಬಿಲದ್ವಾರ, ಸುಹಾಸ್ ಎಸ್.ಎಸ್
ಜತೆ ಕಾರ್ಯದರ್ಶಿಗಳು: ನಿತಿನ್ ಭಟ್, ಪ್ರಶಾಂತ್ ಆಚಾರ್ಯ, ಜಯರಾಮ್ ಎಚ್.ಎಲ್
ಭಕ್ತರ ಸಹಭಾಗಿತ್ವ ಹಾಗೂ ಗ್ರಾಮಸ್ಥರ ಸಹಕಾರದೊಂದಿಗೆ ಈ ವರ್ಷದ ಸಾರ್ವಜನಿಕ ಗಣೇಶೋತ್ಸವ ಭಕ್ತಿ ವೈಭವದಲ್ಲಿ ಅದ್ದೂರಿಯಾಗಿ ಸಾಗುತ್ತಿದೆ.
إرسال تعليق