ಕುಕ್ಕೆ ಸುಬ್ರಹ್ಮಣ್ಯ: ನವೆಂಬರ್ 19 — ಆಟೋ ರಿಕ್ಷಾ ಹಾಗೂ ಟೂರಿಸ್ಟ್ ಕಾರು ನಿಲ್ದಾಣಗಳ ಉದ್ಘಾಟನೆ

ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನದ ವತಿಯಿಂದ ಇಂದು (19 ನವೆಂಬರ್) ಎರಡು ಹೊಸ ಆಟೋ ರಿಕ್ಷಾ ನಿಲ್ದಾಣಗಳು ಮತ್ತು ಟೂರಿಸ್ಟ್ ಕಾರು ನಿಲ್ದಾಣವನ್ನು ಉದ್ಘಾಟಿಸಲಾಯಿತು. ಕ್ಷೇತ್ರಕ್ಕೆ ಭೇಟಿ ನೀಡುವ ಲಕ್ಷಾಂತರ ಭಕ್ತರಿಗೆ ಸುಗಮ ಸಂಚಾರ ಮತ್ತು ಸುಲಭ ಸೇವೆಯನ್ನು ಒದಗಿಸುವ ನಿಟ್ಟಿನಲ್ಲಿ ದೇವಸ್ಥಾನ ಆಡಳಿತ ಕೈಗೊಂಡಿರುವ ಮಹತ್ವದ ಸೌಕರ್ಯ ವಿಸ್ತರಣೆ ಇದು.

ರಥಬೀದಿ ಕೊನೆಯಲ್ಲಿ ನಿರ್ಮಾಣವಾದ ಮೊದಲ ನಿಲ್ದಾಣ ಉದ್ಘಾಟನೆ

ದೇವಸ್ಥಾನದ ರಥ ಬೀದಿ ಕೊನೆಯಲ್ಲಿ ನಿರ್ಮಿಸಲಾದ ಕುಕ್ಕೇಶ್ರೀ ಆಟೋ ನಿಲ್ದಾಣವನ್ನು ನಿವೃತ್ತ ಹಿರಿಯ ಶಿಕ್ಷಕರಾದ ಬಿ. ಪುಂಗವ ಗೌಡ ಅವರು ಉದ್ಘಾಟನೆ ಮಾಡಿದರು.

1975ರಲ್ಲಿ ಕುಕ್ಕೆ ಸುಬ್ರಹ್ಮಣ್ಯಕ್ಕೆ ಮೊದಲ ಬಾರಿಗೆ ಆಟೋ ರಿಕ್ಷಾವನ್ನು ತಂದವರು ಇವರು ಎಂಬುದು ಇಂದಿನ ಕಾರ್ಯಕ್ರಮದ ವಿಶೇಷತೆ.

👉 ಇಲ್ಲೇ ಮತ್ತೊಂದು ಮಹತ್ವದ ಸಂಗತಿ

ಬಿ. ಪುಂಗವ ಗೌಡ — ನಿವೃತ್ತ ಹಿರಿಯ ಶಿಕ್ಷಕರಾಗಿರುವ ಇವರು ಕುಕ್ಕೆ ಸುಬ್ರಹ್ಮಣ್ಯದಲ್ಲಿ ಮೊದಲ ಆಟೋ ರಿಕ್ಷಾ ಚಾಲಕ–ಮಾಲಕರೂ ಆಗಿದ್ದಾರೆ. ಕಾಕತಾಳೀಯವೆಂದರೆ,

ಇವರ ಮಗನೇ ಇಂದಿನ ಕುಕ್ಕೆ ಸುಬ್ರಹ್ಮಣ್ಯ ಶ್ರೀ ಕ್ಷೇತ್ರದ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿಯ ಅಧ್ಯಕ್ಷ ಹರೀಶ್ ಇಂಜಾಡಿ.

ಈಗ ಸಂಪೂರ್ಣ ಕ್ಷೇತ್ರದ ಅಧಿಕಾರದ ಚುಕ್ಕಾಣಿಯನ್ನು ಹಿಡಿದಿರುವ ಅಧ್ಯಕ್ಷರ ತಂದೆಯೇ ಇಂದು ಹೊಸ ಆಟೋ ನಿಲ್ದಾಣವನ್ನು ಉದ್ಘಾಟಿಸಿದ್ದು ವಿಶೇಷ ಸಂಭ್ರಮಕ್ಕೆ ಕಾರಣವಾಯಿತು.

ಈ ಸಂದರ್ಭ ಅಧ್ಯಕ್ಷರು ತಮ್ಮ ತಂದೆಯೇ ಉದ್ಘಾಟನೆ ಮಾಡಿದುದಕ್ಕೆ ಅಪಾರ ಸಂತೋಷ ವ್ಯಕ್ತಪಡಿಸಿದರು.

ಎರಡನೇ ನಿಲ್ದಾಣ ಹಾಗೂ ಟೂರಿಸ್ಟ್ ಕಾರು ನಿಲ್ದಾಣ ಉದ್ಘಾಟನೆ

ಸುಬ್ರಹ್ಮಣ್ಯ ಬಸ್ ನಿಲ್ದಾಣದ ಪಕ್ಕದಲ್ಲಿರುವ ಎರಡನೇ BMS ಆಟೋ ನಿಲ್ದಾಣ ಮತ್ತು ಟೂರಿಸ್ಟ್ ಕಾರು ನಿಲ್ದಾಣವನ್ನು ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಹರೀಶ್ ಇಂಜಾಡಿ ಅವರು ದೀಪ ಬೆಳಗಿಸಿ ಶುಭಾರಂಭ ಮಾಡಿದರು.

ಚಾಲಕರಿಗೆ ಅಧ್ಯಕ್ಷರ ಕಿವಿಮಾತು

ಕಾರ್ಯಕ್ರಮದಲ್ಲಿ ಮಾತನಾಡಿದ ಅಧ್ಯಕ್ಷ ಹರೀಶ್ ಇಂಜಾಡಿ ಅವರು ಚಾಲಕರಿಗೆ ಕಿವಿಮಾತು ಹೇಳಿದರು.

“ಮಧ್ಯಪಾನ, ಗುಟ್ಕಾ ಮುಂತಾದ ದುರಾಭ್ಯಾಸಗಳಿಂದ ಸಂಪೂರ್ಣ ದೂರವಿರಿ”

“ಭಕ್ತರಿಗೆ ಗೌರವದಿಂದ ಮತ್ತು ನ್ಯಾಯಯುತ ದರದಲ್ಲಿ ಸೇವೆ ನೀಡಿ”

“ಸಮಾಜದಲ್ಲಿ ಬಡವರಿಗೆ ಆಟೋ ಚಾಲಕರು ನೀಡುವ ನೆರವು ಅತ್ಯಂತ ಮಹತ್ವದ್ದು”

ದೇವಸ್ಥಾನದಿಂದ ಹಲವು ಅಭಿವೃದ್ಧಿ ಯೋಜನೆಗಳನ್ನು ಕೈಗೊಳ್ಳಲಾಗುತ್ತಿದ್ದು, ಈಗ ಸಣ್ಣ ಪ್ರಮಾಣದ ನಿಲ್ದಾಣ ನಿರ್ಮಿಸಿದ್ದರೂ ಭವಿಷ್ಯದಲ್ಲಿ ಹೆಚ್ಚಿನ ವಿಸ್ತರಣೆ ಮಾಡುವ ಯೋಜನೆ ಇದೆ ಎಂದು ಹೇಳಿದರು.

ಕಾರ್ಯನಿರ್ವಹಣಾಧಿಕಾರಿಯಿಂದ ಪ್ರಮುಖ ಸಲಹೆಗಳು

ದೇವಸ್ಥಾನದ ಕಾರ್ಯನಿರ್ವಹಣಾಧಿಕಾರಿ ಅರವಿಂದ ಅಯ್ಯಪ್ಪ ಸುತ ಗುಂಡಿ ಅವರು ಮಾತನಾಡಿ:

ಕಳೆದ ವರ್ಷ ಆಟೋ ಚಾಲಕರು ಬೇಡಿಕೆ ಇಟ್ಟಿದ್ದ ನಿಲ್ದಾಣವು ಈ ವರ್ಷ ಪೂರ್ಣಗೊಂಡಿರುವ ಬಗ್ಗೆ ಸಂತೋಷ ವ್ಯಕ್ತಪಡಿಸಿದರು.

“ನಿಗದಿಪಡಿಸಿದ ದರ ಮಾತ್ರ ಪಡೆಯಿರಿ, ಸುಳಿಗೆ ಮಾಡಬೇಡಿ”

“ವೃದ್ಧರಿಗೆ ಉಚಿತ ಸೇವೆ ನೀಡಿ, ನಿಮ್ಮ ಬಗ್ಗೆ ಒಳ್ಳೆಯ ಅಭಿಪ್ರಾಯ ಬೆಳೆಯಲಿ” ಎಂದು ಮನವಿ ಮಾಡಿದರು.

ಕಾರ್ಯಕ್ರಮದಲ್ಲಿ ಭಾಗಿಯಾದ ಗಣ್ಯರು

ಈ ಸಂದರ್ಭದಲ್ಲಿ ಹಾಜರಿದ್ದವರು –

ಅಶೋಕ್ ನೆಕ್ರಾಜೆ, ಅಜಿತ್ ಪಾಲೇರಿ, ಲೀಲಾ ಮನಮೋಹನ್, ಪ್ರವೀಣಾ ರೈ, ಸೌಮ್ಯ ಭರತ್, ಮಾಸ್ಟರ್‌ಪ್ಲಾನ್ ಸದಸ್ಯ ಸತೀಶ್ ಕುಜುಗೋಡು, ಲೋಕೇಶ್ ಕೈಕಂಬ, ಪವನ್ ಎಂ.ಡಿ., ಕೆಡಿಪಿ ಸದಸ್ಯ ಶಿವರಾಮ ರೈ, ಇಂಜಿನಿಯರ್ ಉದಯಕುಮಾರ್, ಸಹಾಯಕ ಕಾರ್ಯನಿರ್ವಹಣಾಧಿಕಾರಿ ಯೇಸುರಾಜ್, ಮಾಜಿ ಸಮಿತಿ ಸದಸ್ಯ ಕೃಷ್ಣಮೂರ್ತಿ, ಮಾಧವ ಡಿ, ಉದ್ಯಮಿ ಗೋಪಾಲ ಎಣ್ಣೆಮಜಲು ಹಾಗೂ ಆಟೋ–ಟ್ಯಾಕ್ಸಿ ಸಂಘದ ಅಧ್ಯಕ್ಷರು, ಚಾಲಕರು, ಮಾಲಕರು.

🌼 ಕುಕ್ಕೆ ಸುಬ್ರಹ್ಮಣ್ಯ ಕ್ಷೇತ್ರದ ಭಕ್ತರಿಗೆ ಸುಗಮ ಸಂಚಾರ — ಹೊಸ ನಿಲ್ದಾಣಗಳು ಕ್ಷೇತ್ರದ ಮತ್ತೊಂದು ಅಭಿವೃದ್ಧಿಯ ಮೈಲಿಗಲ್ಲು!