ದೇವಸ್ಥಾನದ ವ್ಯವಸ್ಥಾಪನ ಸಮಿತಿ ಅಧ್ಯಕ್ಷ ಹರೀಶ್ ಇಂಜಾಡಿ ಅವರು ಮಾಧ್ಯಮಗಳಿಗೆ ಮಾಹಿತಿ ನೀಡಿದಂತೆ, ಆಶ್ಲೇಷ ಬಲಿ ಪೂಜೆ ದೇವಸ್ಥಾನದ ಪ್ರಮುಖ ಹಾಗೂ ವಿಶೇಷ ಸೇವೆಯಾಗಿದ್ದು, ದೇಶ–ವಿದೇಶಗಳಿಂದ ಸಾವಿರಾರು ಭಕ್ತರು ಕುಕ್ಕೆಗೆ ಆಗಮಿಸುತ್ತಾರೆ. ಈ ಪೂಜೆ ನಾಗದೋಷ ಪರಿಹಾರ, ಸರ್ಪದೋಷ ಪರಿಹಾರ ಹಾಗೂ ವೈಯಕ್ತಿಕ ಅಭಿವೃದ್ಧಿ ಹೀಗೆ ಅನೇಕ ಉದ್ದೇಶಗಳಿಂದ ನೆರವೇರಿಸಲಾಗುತ್ತದೆ.
ಪೂಜೆ ಸಮಯದಲ್ಲಿ ಹೋಮ ನಡೆಯುವ ಕಾರಣ ಮಂಟಪದಲ್ಲಿ ಹೆಚ್ಚಿನ ಪ್ರಮಾಣದ ಹೊಗೆ ಉಂಟಾಗುತ್ತಿದ್ದು, ಭಕ್ತರಿಗೆ ತೊಂದರೆ ಆಗದಂತೆ ಈ ಹೊಸ ಎಕ್ಸಾಸ್ಟ್ ಹುಡ್ "ಹೊಗೆ ಹೀರಿಕೆ ಯಂತ್ರ" ವ್ಯವಸ್ಥೆ ವಿನ್ಯಾಸಗೊಳಿಸಲಾಗಿದೆ. ಇದರ ಮೂಲಕ ಹೊಗೆ ಹೊರಗೆ ಹರಿದುಹೋಗುವ ವ್ಯವಸ್ಥೆ ಕಲ್ಪಿಸಲಾಗಿದ್ದು, ಪೂಜೆಯ ಸಮಯದಲ್ಲಿ ಭಕ್ತರಿಗೆ ಸುಗಮ ಹಾಗೂ ಆರಾಮದಾಯಕ ವಾತಾವರಣ ಒದಗಲಿದೆ ಎಂದು ಅಧ್ಯಕ್ಷರು ತಿಳಿಸಿದರು.
ಈ ಕ್ರಮದಿಂದ ದೇವಸ್ಥಾನದಲ್ಲಿ ನಡೆಯುವ ಆಶ್ಲೇಷ ಬಲಿ ಪೂಜೆಯ ಸಮಯದಲ್ಲಿ ಭಕ್ತರಿಗೆ ಇನ್ನಷ್ಟು ಅನುಕೂಲ ಆಗಲಿದೆ.
Post a Comment