ಪಿರ್ಯಾದಿದಾರರಾದ ಶ್ರೀಮತಿ ಕುಸುಮ (ವಯಸ್ಸು 48), ಗಂಡ ಆನಂದ ಗೌಡ, ಇಬ್ಬರೂ ರೆಖ್ಯ ಗ್ರಾಮದ ಕಟ್ಟೆ ಎಂಬಲ್ಲಿ ವಾಸವಿದ್ದು ಪ್ರತಿದಿನವೂ ಕೆಲಸಕ್ಕೆ ಹೋಗುವ ಸಂದರ್ಭದಲ್ಲಿ ಮನೆಯನ್ನು ಬೀಗ ಹಾಕಿ ಬಿಟ್ಟು ಹೊರಡುತ್ತಿದ್ದರೆಂದು ತಿಳಿಸಿದ್ದಾರೆ. ಮನೆ ಬೀಗದ ಕೀ ಅನ್ನು ಸದಾ ಕೊಟ್ಟಿಗೆಯಲ್ಲಿ ಬಚ್ಚಿಟ್ಟು ಹೋಗುತ್ತಿದ್ದರು.
ಕುಸುಮ ಅವರು ಕೊನೆಯ ಬಾರಿ ತಮ್ಮ ಚಿನ್ನಾಭರಣವನ್ನು ಮೇ 23, 2025 ರಂದು ನೋಡಿದ್ದು, ಅಂದಿನಿಂದ ಅದು ಗೋದ್ರೆಜ್ ಲಾಕರ್ನಲ್ಲಿ ಇರಿಸಲಾಗಿತ್ತು. ಜೂನ್ 14 ರಂದು ಸಂಜೆ 6:30 ಗಂಟೆಗೆ, ಶಿರಾಡಿ ದೇವಾಲಯಕ್ಕೆ ಹೋಗುವ ಮುನ್ನ ಚಿನ್ನ ತೆಗೆಯಲು ಹೋಗಿದಾಗ ಲಾಕರ್ ಬೀಗ ಕೂಡಲೇ ತೆರೆಯದ ಸ್ಥಿತಿಯಲ್ಲಿ ಇದ್ದರೂ, ಒಳಗಿದ್ದ ಎಲ್ಲಾ ಚಿನ್ನಾಭರಣ ಕಳವಾಗಿರುವುದು ಕಂಡು ಬಂದಿದೆ.
ಕಳವಾದ ಚಿನ್ನಾಭರಣದ ವಿವರ:
3 ಪವನ್ ತೂಕದ ಕರಿಮಣಿ ಸರ
1 ಪವನ್ ತೂಕದ ಬಳೆ
2 ಪವನ್ ತೂಕದ ಚಿನ್ನದ ಚೈನ್
ಅರ್ಧ ಪವನ್ ತೂಕದ ಕಿವಿಯೋಲೆ
ಇಡೀ ಚಿನ್ನಾಭರಣದ ಮೌಲ್ಯವನ್ನು ಸುಮಾರು ₹2,60,000 ಎಂದು ಅಂದಾಜಿಸಲಾಗಿದೆ.
ಪೊಲೀಸರು ಪ್ರಕರಣವನ್ನು ಗಂಭೀರವಾಗಿ ತೆಗೆದುಕೊಂಡಿದ್ದು ತನಿಖೆ ಪ್ರಾರಂಭಿಸಿದ್ದಾರೆ. ಸ್ಥಳಕ್ಕೆ ತನಿಖಾ ತಂಡ ಭೇಟಿ ನೀಡಿದ್ದು ಸುತ್ತಮುತ್ತಲಿನ ಪ್ರದೇಶದಲ್ಲಿ ಸುಳಿವು ಸಂಗ್ರಹಕ್ಕೆ ಕಾರ್ಯಾಚರಣೆ ನಡೆಯುತ್ತಿದೆ.
إرسال تعليق