ಬಿ.ಕಸಬಾ ಗ್ರಾಮಸ್ಥರೇ ಆಗಿರುವ ಕಮಲಾಕ್ಷ (43), ಅಮ್ಟಾಡಿ ಗ್ರಾಮದ ಲೊರೆಟ್ಟೋ ಪದವಿನಲ್ಲಿ ಕಳೆದ 24 ವರ್ಷಗಳಿಂದ ಅಂಗಡಿ ನಡೆಸುತ್ತಿದ್ದರು. ಜೂನ್ 21 ರಂದು ಅವರು ಎಂದಿನಂತೆ ಸಂಜೆ 5:15ಕ್ಕೆ ಅಂಗಡಿ ಬಂದ್‌ ಮಾಡಿ ಮನೆಗೆ ತೆರಳಿದ್ದರು.
ಮರುದಿನ ಬೆಳಗ್ಗೆ 7:45ರ ವೇಳೆಗೆ ಅವರ ತಮ್ಮ ನವೀನಾಕ್ಷ ಹಾಲು ಹಾಕಲು ಬಂದಾಗ ಅಂಗಡಿಯ ಬೀಗ ಮುರಿದಿರುವುದನ್ನು ನೋಡಿ ಕೂಡಲೇ ಕಮಲಾಕ್ಷರನ್ನು ಸಂಪರ್ಕಿಸಿದರು. ಸ್ಥಳಕ್ಕೆ ಧಾವಿಸಿದ ಪಿರ್ಯಾದಿದಾರರು ಅಂಗಡಿಯ ಬೀಗ ಮುರಿದು, ಒಳಬಾಗದಲ್ಲಿದ್ದ ಡ್ರಾಯರ್‌ನಲ್ಲಿನ ₹65,000 ನಗದು ಮತ್ತು ಕೆನರಾ ಬ್ಯಾಂಕ್‌ನ ಫಿಕ್ಸ್‌ಡ್ ಡಿಪಾಸಿಟ್ ಬಾಂಡ್ ಕಳವಾಗಿರುವುದು ಕಂಡುಬಂದಿದೆ.
ಈ ಸಂಬಂಧ ಬಂಟ್ವಾಳ ನಗರ ಪೊಲೀಸ್ ಠಾಣೆಯಲ್ಲಿ ಅ.ಕ್ರ.: 69/2025 ರಂತೆ ಭಾರತ ದಂಡ ಸಂಹಿತೆ 2023ರ ಕಲಂಗಳು 331(3), 331(4), 305 ಬಿ ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ. ಪೊಲೀಸರು ಕಳ್ಳರ ಪತ್ತೆಗಾಗಿ ತನಿಖೆ ಕೈಗೊಂಡಿದ್ದಾರೆ.
إرسال تعليق