ಸುಳ್ಯದಲ್ಲಿ ಅಂಗನವಾಡಿ ಕೇಂದ್ರದಲ್ಲಿ LKG-UKG ತರಗತಿಗಳ ಪ್ರಾರಂಭ – ಶಾಸಕಿ ಭಾಗೀರಥಿ ಮುರುಳ್ಯ ಉದ್ಘಾಟನೆ

ಬಳ್ಳಕ, ಜುಲೈ 07: ಮಕ್ಕಳ ಶೈಕ್ಷಣಿಕ ಭವಿಷ್ಯಕ್ಕೆ ಭದ್ರ ಪಾಯಲನ್ನು ಹಾಕುವ ನಿಟ್ಟಿನಲ್ಲಿ, ಸುಳ್ಯ ತಾಲ್ಲೂಕು ಬಳ್ಳಕ್ಕ ಅಂಗನವಾಡಿ ಕೇಂದ್ರದಲ್ಲಿ ಹೊಸದಾಗಿ ಆರಂಭಗೊಂಡ LKG ಹಾಗೂ UKG ತರಗತಿಗಳ ಪ್ರಾರಂಭೋತ್ಸವ ಹಾಗೂ "ನಾನೂ ಪೋಷಣೆ" ಅಭಿಯಾನ ಕಾರ್ಯಕ್ರಮಕ್ಕೆ ಭಾವಪೂರ್ಣ ಚಾಲನೆ ದೊರೆಯಿತು. ಈ ಮಹತ್ವದ ಕಾರ್ಯಕ್ರಮವನ್ನು ಸುಳ್ಯದ ಶಾಸಕಿ ಶ್ರೀಮತಿ ಭಾಗೀರಥಿ ಮುರುಳ್ಯ ಉದ್ಘಾಟಿಸಿದರು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಗುತ್ತಿಗಾರು ಗ್ರಾಮ ಪಂಚಾಯತ್ ಅಧ್ಯಕ್ಷರಾದ ಶ್ರೀಮತಿ ಸುಮಿತ್ರಾ ಮೂಕಮಲೆ ಅವರು ವಹಿಸಿದ್ದರು.

ಅತಿಥಿಗಳಾಗಿ ಉಪಸ್ಥಿತರಿದ್ದವರು:

ಶ್ರೀ ಉಸ್ಮಾನ್ – ಮಾನ್ಯ ನಿರ್ದೇಶಕರು, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ದ.ಕ

ಶ್ರೀಮತಿ ಪ್ರಿಯಾ ಆಗ್ರೇಸ್ – ನಿರೂಪಣಾಧಿಕಾರಿಗಳು (ಪ್ರಭಾರ), ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ, ದ.ಕ ಮಂಗಳೂರು

ಶ್ರೀ ರಾಜಣ್ಣ – ಕಾರ್ಯನಿರ್ವಹಣಾ ಅಧಿಕಾರಿ, ತಾಲೂಕು ಪಂಚಾಯತ್, ಸುಳ್ಯ

ಶ್ರೀಮತಿ ಶೈಲಜಾ – CDPO, ಶಿಶು ಅಭಿವೃದ್ಧಿ ಯೋಜನೆ, ಸುಳ್ಯ

ಗೌರವ ಉಪಸ್ಥಿತಿ:

ಶ್ರೀಮತಿ ಶಾರದಾ ಎಂ.ಕೆ., ಶ್ರೀಮತಿ ಲತಾಕುಮಾರಿ ಆಜಡ್ಡ, ಶ್ರೀ ವಸಂತ ಮೊಗ್ರ, ಶ್ರೀ ಭರತ್ – ಗುತ್ತಿಗಾರು ಗ್ರಾಮ ಪಂಚಾಯತ್ ಸದಸ್ಯರು

ಶ್ರೀ ಧನಪತಿ ಬಿ – ಪಿಡಿಒ, ಗ್ರಾ.ಪಂ. ಗುತ್ತಿಗಾರು

ಶ್ರೀಮತಿ ದೀಪಿಕಾ – ಅಂಗನವಾಡಿ ಮೇಲ್ವಿಚಾರಕರು, ಗುತ್ತಿಗಾರು ವಲಯ

ಶ್ರೀಮತಿ ಪವಿತ್ರಾ ಧನಂಜಯ ಮೊಗ್ರ ಮೇಲೆಮನೆ – ಅಧ್ಯಕ್ಷರು, ಬಾಲವಿಕಾಸ ಸಮಿತಿ ಬಳ್ಳಕ

ಶ್ರೀ ಜಯಪ್ರಕಾಶ್ – ಅಧ್ಯಕ್ಷರು, ರೋಟರಿ ಕ್ಲಬ್ ಸುಬ್ರಹ್ಮಣ್ಯ

ಶ್ರೀ ಪ್ರವೀಣ್ ಮುಂಡೋಡಿ – ಅಧ್ಯಕ್ಷರು, ಲಯನ್ಸ್ ಕ್ಲಬ್ ಗುತ್ತಿಗಾರು

ಶ್ರೀ ಸುಜಿತ್ ಎಂ.ಎಸ್ – ಸಂಘಟನಾ ಕಾರ್ಯದರ್ಶಿ, ಸೇವಾಸಂಗಮ ಟ್ರಸ್ಟ್, ಸುಳ್ಯ

ಸಹಕಾರ ನೀಡಿದ ದಾನಿಗಳು:

ಶ್ರೀಮತಿ ಗ್ರೀಷ್ಮಾ ಕ್ಷಮಂತ್ ಕಡವೆಪಳ್ಳ ಮತ್ತು ಮಾ. ಹಿರಣ್ಮಯ್

ಶ್ರೀಮತಿ ಸರೋಜ ಮಾಯಿಲಪ್ಪ ಸಂಕೇಶ – ಪೂರ್ವಾಧ್ಯಕ್ಷರು, ಇನ್ನರ್ ವೀಲ್ ಕ್ಲಬ್ ಸುಬ್ರಹ್ಮಣ್ಯ

ಶ್ರೀ ದೇವಿಪ್ರಸಾದ್ ಚಿಕ್ಕುಳಿ – ಉದ್ಯಮಿಗಳು, ದೇವಿಸಿಟಿ ಗುತ್ತಿಗಾರು

ಶ್ರೀಮತಿ ಶಿಶಿಮ ಜಿತೇಶ್ ಜಾಕೆ

ಮಾ. ಪ್ರಥಮ್, ಮಾ. ಕಾರ್ತಿಕೇಯ

ಕಾರ್ಯಕ್ರಮದ ಉದ್ದೇಶ:

ಮಕ್ಕಳಿಗೆ ಪುಟಾಣಿ ವಯಸ್ಸಿನಲ್ಲಿ ಉತ್ತಮ ಶಿಕ್ಷಣದ ಅವಕಾಶ ನೀಡಲು, ಅಂಗನವಾಡಿ ಕೇಂದ್ರಗಳಲ್ಲಿ ಪ್ರೌಢ ಶಾಲಾ ಮಾದರಿಯ ತರಗತಿಗಳನ್ನು ಆರಂಭಿಸುವ ಸರ್ಕಾರದ ಮಹತ್ತ್ವಾಕಾಂಕ್ಷಿ ಯೋಜನೆ ಇದಾಗಿದೆ. ಈ ಯೋಜನೆಯ ಮೊದಲ ಹೆಜ್ಜೆ ಬಳ್ಳಕದಲ್ಲಿ ಸಫಲವಾಗಿ ಇಡಲಾಗಿದೆ.

ಶಾಸಕಿ ಭಾಗೀರಥಿ ಮುರುಳ್ಯ ಮಾತನಾಡುತ್ತಾ, "ಮಕ್ಕಳ ಬೆಳೆವಣಿಗೆಗೆ ಹಿತಕರವಾದ ಶೈಕ್ಷಣಿಕ ವಾತಾವರಣವನ್ನು ಒದಗಿಸುವ ನಿಟ್ಟಿನಲ್ಲಿ ಈ ತೀರ್ಮಾನ ಅತ್ಯಂತ ಪ್ರಶಂಸನೀಯ. ಗ್ರಾಮೀಣ ಪ್ರದೇಶದ ಮಕ್ಕಳಿಗೆ ಸಮಾನ ಶಿಕ್ಷಣದ ಹಕ್ಕು ಸಿಗಬೇಕು," ಎಂದು ಹೇಳಿದ್ದಾರೆ.