ಅಕ್ರಮ ಕಲ್ಲು ಸಾಗಾಟ: ಸುಳ್ಯ ಪೊಲೀಸರ ತನಿಖೆಯಲ್ಲಿ ಎರಡು ಲಾರಿಗಳು ವಶಕ್ಕೆ

ಸುಳ್ಯ, ಆಗಸ್ಟ್ 03, 2025:ಸುಳ್ಯ ತಾಲ್ಲೂಕಿನ ಆಲೆಟ್ಟಿ ಗ್ರಾಮದ ನಾರ್ಕೊಡು ಎಂಬಲ್ಲಿ ಇಂದು ಬೆಳಿಗ್ಗೆ ಅಕ್ರಮ ಕಲ್ಲು ಸಾಗಾಟ ಪ್ರಕರಣವೊಂದು ಬೆಳಕಿಗೆ ಬಂದಿದೆ. ಯಾವುದೇ ಅಧಿಕೃತ ಪರವಾನಗಿ ಇಲ್ಲದೆ ಕೆಂಪು ಕಲ್ಲು ಸಾಗಾಟ ಮಾಡುತ್ತಿದ್ದ ಇಬ್ಬರು ಲಾರಿ ಚಾಲಕರು ಪೊಲೀಸರು ನಡೆಸಿದ ತಪಾಸಣೆಯಲ್ಲಿ ಸೆರೆಯಾಗಿದ್ದಾರೆ.

ಸುಳ್ಯ ಠಾಣೆಯ ಪೊಲೀಸ್ ಉಪನಿರೀಕ್ಷಕ ಸಂತೋಷ್ ಕುಮಾರ್ ಬಿ.ಪಿ (ಕಾ&ಸು) ಮತ್ತು ಅವರ ಸಿಬ್ಬಂದಿಗೆ ಬಂದ ಖಚಿತ ಮಾಹಿತಿಯ ಮೇರೆಗೆ, ಕೆಎ 21 ಬಿ 5680 ಹಾಗೂ ಕೆಎ 21 ಸಿ 6758 ನಂಬರ್‌ನ ಲಾರಿಗಳನ್ನು ತಡೆಯಲಾಗಿದ್ದು, ಲಾರಿಗಳಲ್ಲಿದ್ದ ಕೆಂಪು ಕಲ್ಲುಗಳನ್ನು ವಶಕ್ಕೆ ಪಡೆಯಲಾಗಿದೆ. ಸಾಗಾಟದ ಯಾವುದೇ ಕಾನೂನುಬದ್ಧ ದಾಖಲೆ ಇಲ್ಲದೆ ಕಲ್ಲುಗಳನ್ನು ಕಳ್ಳತನದಿಂದ ಸಾಗಿಸುತ್ತಿದ್ದ ಶಂಕೆ ಹಿನ್ನೆಲೆಯಲ್ಲಿ ಚಾಲಕರನ್ನು ಕೂಡ ವಶಕ್ಕೆ ತೆಗೆದುಕೊಳ್ಳಲಾಗಿದೆ.

ಈ ಕುರಿತು ಸುಳ್ಯ ಪೊಲೀಸ್ ಠಾಣೆಯಲ್ಲಿ ಅ.ಕ್ರ: 83/2025 ರಂತೆ ಪ್ರಕರಣ ದಾಖಲಾಗಿದ್ದು, ಭಾರತೀಯ ನೂತನ ದಂಡ ಸಂಹಿತೆ (BNS) ಸೆಕ್ಷನ್ 303(2), ಅಲ್ಪ ಖನಿಜ ಸಂಚಿಕೆ ನಿಯಮ 21MMRD ನಿಯಮ 4(1), ಕರ್ನಾಟಕ ಮೈನರ್ ಮಿನರಲ್ ಕನ್ಸಿಸ್ಟೆಂಟ್ ರುಲ್ಸ್ 3.44 ಮತ್ತು 66(1) ಹಾಗೂ ವಾಹನ ಸಂಚಲನ ಕಾಯ್ದೆ 192(a) IMV Act ಅಡಿಯಲ್ಲಿ ಮುಂದಿನ ಕಾನೂನು ಕ್ರಮ ಜರುಗಿಸಲಾಗುತ್ತಿದೆ.

 ಅಕ್ರಮ ಸಾಗಾಟದ ವಿರುದ್ಧ ಈ ರೀತಿಯ ಕ್ರಮ ಮುಂದೆಯೂ ತೆಗೆದುಕೊಳ್ಳಲಾಗುವುದು ಎಂದು ಠಾಣೆಯ ಮೂಲಗಳು ತಿಳಿಸಿವೆ.