ಆಗಸ್ಟ್‌ 20ರಂದು ಮೂವರು ಕುಡುಕರು ದಿನಪೂರ್ತಿ ಬಸ್ ತಂಗುದಾಣದಲ್ಲೇ ಮಲಗಿ ಕಾಲ ಕಳೆಯುವ ಘಟನೆ ಸಾರ್ವಜನಿಕರ ಕಣ್ಣಿಗೆ ಬಿದ್ದಿದೆ. ಇವರಲ್ಲಿ ಒಬ್ಬ ವ್ಯಕ್ತಿ ನಿಲ್ದಾಣದಲ್ಲೇ ಮಲಮೂತ್ರ ವಿಸರ್ಜನೆ ಮಾಡಿ ಪರಿಸರವನ್ನು ಅಸಹ್ಯಗೊಳಿಸಿದ್ದಾನೆ. ಇದೊಂದು ದಿನದ ವಿಷಯವಲ್ಲದೆ, ಕಳೆದ ಎರಡು-ಮೂರು ತಿಂಗಳಿನಿಂದ ಒಬ್ಬ ಕುಡಿದ ವ್ಯಕ್ತಿ ಇದೇ ತಂಗುದಾಣದಲ್ಲೇ ವಾಸವಾಗಿರುವುದು ಸ್ಥಳೀಯರ ಆತಂಕಕ್ಕೆ ಕಾರಣವಾಗಿದೆ.
ಸಾರ್ವಜನಿಕರು ಪ್ರಶ್ನಿಸುತ್ತಿದ್ದಾರೆ –
“ಕುಡುಕರು ಅಬಕಾರಿ ಇಲಾಖೆಯೇ ಗ್ರಾಹಕರಲ್ಲವೇ?
ಅವರು ಕಂಠಪೂರ್ತಿ ಕುಡಿದು ಬಸ್ ನಿಲ್ದಾಣದಲ್ಲಿ ಬಿದ್ದುಕೊಳ್ಳುವ ಸ್ಥಿತಿ ಬಂದಾಗ, ಜಾಗರೂಕರಾಗಿ ಅವರನ್ನು ಮನೆಗೆ ತಲುಪಿಸುವ ಜವಾಬ್ದಾರಿಯೂ ಅಬಕಾರಿ ಇಲಾಖೆಯದ್ದೇ ಅಲ್ಲವೇ? ಆದ್ದರಿಂದ ಅಧಿಕಾರಿಗಳು ಈ ಬಗ್ಗೆ ತಕ್ಷಣ ಕ್ರಮ ಕೈಗೊಂಡು ಸಾರ್ವಜನಿಕರಿಗೆ ಅನುಕೂಲ ಮಾಡಿಕೊಡಬೇಕು” ಎಂದು ಸ್ಥಳೀಯರು ಒತ್ತಾಯ ವ್ಯಕ್ತಪಡಿಸಿದ್ದಾರೆ.
ನೂರಾರು ಮಕ್ಕಳು, ಮಹಿಳೆಯರು ಹಾಗೂ ಹಿರಿಯರು ಪ್ರತಿದಿನ ಈ ಬಸ್ ನಿಲ್ದಾಣವನ್ನು ಬಳಸುವ ಪರಿಸ್ಥಿತಿಯಲ್ಲಿ, ಕುಡುಕರ ಉಪಟಳದಿಂದ ಸಾರ್ವಜನಿಕರು ನಿಲ್ದಾಣವನ್ನು ತಪ್ಪಿಸಿ ರಸ್ತೆ ಬದಿ ಅಥವಾ ಅಂಗಡಿ ಮುಂದೆ ನಿಲ್ಲಬೇಕಾದ ದುಸ್ಥಿತಿ ಉಂಟಾಗಿದೆ.
👉 ಸಾರ್ವಜನಿಕರ ಒತ್ತಾಯ: ಅಬಕಾರಿ ಇಲಾಖೆ ತಕ್ಷಣ ಕ್ರಮ ಕೈಗೊಂಡು ಬಸ್ ನಿಲ್ದಾಣವನ್ನು ಸಾರ್ವಜನಿಕರ ಸುರಕ್ಷಿತ ಸ್ಥಳವನ್ನಾಗಿ ಮಾಡಬೇಕು.
إرسال تعليق